“Dardanët” ka siguruar vetëm një pikë në ndeshjen ndaj Azerbajxhanit.

Kosova U21 ka barazuar pa gola 0 me 0 në takimin si mysafirë ndaj Azerbajxhanit në Baku të zhvilluar pasditen e sotme (e martë) në kuadër të kualifikimeve për Kampionatin Evropian U21, shkruan portali arbresh.info.

Ky është barazimi i parë për përfaqësuesen tonë pas pesë ndeshjeve, tri humbjeve dhe dy fitoreve.

Nikoqirët mbetën me vetëm nëntë lojtarë në fushë dy minuta pa përfunduar koha e rregullt e takimit kur mbrojtësi Anton Krivotsyuk u ndëshkua me kartonin e dytë të verdhë (88′) para se sulmuesi Ilkin Sadigov të largohej gjithashtu pas dy kartonëve të verdhë brenda pesë minutave shtesë.

Djelmoshat e trajnerit Rafet Prekazi qëndrojnë në pozitën e katërt me shtatë pikë, aq sa ka edhe Izraeli në pozitën e tretë të Grupit 5.

Ndërsa, Azerbajxhani qëndron në fund të tabelës me vetëm një pikë pas katër ndeshjeve të humbura radhazi./arbresh.info/